KASALANAN 151
-Wylibeth Lumpias
Ano 'to?
Apoy na bumabagabag sa inosente kong pag-iisip
Umaapoy, lumalakas, bumubuga
Nasasaktan ako, oo totoo
Ikaw ang bumalot sa buo kong pagkatao.
Ano 'to?
Aninong sumusunod sa dahas kong gawi
Itim, malamig, nakakatakot
Nasasaktan ako, oo totoo
Ikaw ang sumapi sa buo kong pagkatao.
Ano 'to?
Ako, na kinilala kong noon pa man
Tao, kaibigan at kalaguyo ng mundong madilim
Nasasaktan ako, oo totoo
Ako, ikaw ang demonyo sa buo kong pagkatao.
Walang komento:
Mag-post ng isang Komento